Random Life and Thoughts

君临天下

2011-08-24T23:58:00.001+08:00

大地在我脚下。。。。

比着几百年前都可能係嘅！！

夏天一跳

2011-08-21T00:38:00.000+08:00

夏，在我印像中绝对唔应该做太多户外活动。
虽然万花盛放，不过每日北京城都俾层层风沙弥漫到连白云都不知所纵。

每去到一个景点都印证中国人强马壮，真係人山人海都。。。
我係一个热爱中国历史嘅人，当去到经历两个朝代六百年嘅紫禁城。。。。

我忍唔到啦！！！我兴奋到想跳起。

From Random Life and Thoughts

叫我型仔！

2011-05-23T23:28:00.000+08:00

无敌篇

2011-03-31T12:35:00.000+08:00

＂无敌是最寂寞＂。我唔係寸，只不过近来所面对啲饭桶令到我深深体会到少个敌人係非常重要。
都冇晒敌人咯，唯有唱番首歌－无敌是最寂寞。。。。。

黑仔

2011-01-27T21:42:00.000+08:00

俾个差佬反锁咗，害到我叫天不应叫地不问。最惨係俾条水反锁响厕所，臭到！！！
十五分钟之後先有人嚟开门。

点解要咁耐咧？因为电话冇线。。。唉！唉！唉！

孤岛

2011-01-10T23:24:00.000+08:00

想像一下，如果我一个人流落荒岛会係乜嘢境像。
一个人坐响沙滩睇日落，我应该唔会咁写意！

想像力

2010-12-13T23:49:00.000+08:00

细佬嘅想像力永远係无限。小小一件事都会令到佢地惊喜不断，蠢蠢欲动。

丹绒士拔搵食团

2010-12-09T00:07:00.000+08:00

去到丹绒士拔点都要食闻名已久嘅包。

生肉包，一个字－正！肉汁可以保留就不在话下，包皮更加正！唔会沾牙。

情人桥非到不可啦，不过全日都天阴阴落雨。係咁影咗位愿意坐底做模特儿嘅小姐。

城堡与公主

2010-12-08T23:31:00.000+08:00

公主去咗边？

身份底，品格高！

2010-11-23T01:00:00.002+08:00

有次去到间糖水铺无意听到位师奶讲起佢旅行嘅经历。关於飞机上所发生嘅事令我印像非常深刻。佢几位朋友都一致认为亚航（AirAsia)真係好唔安全，最多俾多啲钱飞马航仲好。

有个名句更加令我非常深刻。

师奶：我［身份底，品格高！］，唔会再飞亚航咗！

我睇因为我身份同品格都好底，唯有继续飞亚航啦！师奶你咪同我争平飞啦！！！

怀念墨鱼

2010-11-18T23:33:00.000+08:00

点先可以令到墨鱼好食咧？

我个人对墨鱼有几个要求

第一，一定要肉嫩。呢一点就好睇厨师嘅功力。
第二，入味。调味係非常之重要。

点解我忽然对墨鱼咁有兴趣？因为寻日去到间火锅店食咗啲入口无味嘅墨鱼。不过就唔係厨师问题。

好似呢个烧墨鱼，普普通通咁烧咗。不过经厨师巧手调嘅烧烤汁加上头抽真係滋味无穷。肉嫩兼鲜甜。另一款经烧烤之後洒上海盐同柠檬汁就更加出色。

日本煎饼

2010-10-29T01:05:00.002+08:00

今日向同事介绍一间日本餐厅先记起之前食过嘅日本煎饼。味道都倘算可以，重点係唔会太甜，仲有绿茶味都几重。

沟通

2010-10-16T01:08:00.000+08:00

人与人之间沟通係非常重要。欠缺沟通，不需要嘅误会，误解会令到人嘅感情有所损害。

就呢对情侣（我认为），连眼神同望嘅地方都一至。我觉得呢点就係沟通嘅最高境界。

观点与角度

2010-10-13T23:31:00.001+08:00

今日学识咗凡事都唔可以预先设有自己观点。当遇到问题时，预设自己嘅观点只会令到自己失去冷静嘅分析能力。

好似呢张相，我想表达啲乜咧？

月亮咁细粒？定係盏灯好特别？

两样都唔係！

夕阳

2010-10-11T23:40:00.000+08:00

＂夕阳无限好，只是近黄昏＂

虽然每个人都认为夕阳代表黄昏即将来临，之後就算一日嘅结束，不过我就认为夕阳永远带嚟期望。

期望下一次嘅境观，
期望今日所遇到不愉快嘅事会有新开始，
期望听日会顺风顺水。

今日工作上遇到几个难题，虽然可以话有惊无险，不过都有啲手尾跟。
工作上遇到嘅问题虽然会影响到我心情，不过都会尽我能力唔影响我身边人。

当想搵个人倾诉时得到嘅遭遇虽然因为某啲原因将话题带咗去另一度，不过我都乐意做个聆听者。可能我意见带入咗今日所预到嘅心情，所以未能俾到中立嘅见解。不过我都冇谂到会令到大家唔开心。

唯有期待明天会更好！

对不起！真係冇心伤害到大家。

废话多咗，希望得到各位原谅。

另一段情嘅开始

2010-10-01T15:37:00.000+08:00

失去咗先明白到你嘅重要性！记得当初认识你时，你嘅微笑令我对你一见锺情！
想尽办法都要另你对我有好感。好多人都问我点解会为你锺情。我谂应该係你雪白嘅肌肤，动人嘅声音同一双迷人嘅眼睛。
谂起当初你离我而去虽然唔係你嘅错，不过真係令我心痛咗好耐。

几个月之後嘅今日我终於重拾自信向另一段新感情从新开始。
识咗你一个礼拜，我对你可以话非常认识。你哋有好多共同点，不过你拥有嘅一切都同之前嘅佢有过之而无不及。

冇错我新情人就係＂哎疯4＂。
哈哈！俾真正嘅佢知道呢扁嘢之後会点咧？我只不过做工到失去咗清醒啫！

情人桥

2010-09-29T00:57:00.000+08:00

好多人都话入夜之后亮咗灯嘅情人桥係最靓。同自己锺意嘅人响桥上慢步一定会係好罗漫。

不过我觉得夕阳时嘅情人桥更加迷人。桥上慢步会有另一种味道－臭汗味！大热天时仲慢步？
其实有海风又点会热咧，只不过企响隔离个位小姐有少少怨言啫。

＂以上论点纯属虚构＂－想死咩，乱咁啽！

台湾之旅 - 度小月

2010-09-25T12:45:00.000+08:00

经一位团友介绍去到＂度小月＂试担担面。
味道都唔错。

我不嬲都对黄油面冇兴趣，因为真係怕咗啲枧水味。不过啲担担面就冇依个问题。

仲有一样值得介绍係＂虾卷＂。虾鲜就不在话下，能够炸到皮脆兼有虾汁就好难。

依餐真係冇得弹，佢话嘅。唔信！有相为证。

连汤汁都一滴不留！睇下佢满足到嘅样。

心情，心态

2010-09-22T23:42:00.000+08:00

小孩嘅想像係无限，任何嘢落到佢哋手中都会好美丽。不过随着岁月嘅增长现实就会令到佢哋有所改变。
每个人都有选择嘅权力，一个无发改变嘅事实就无需去强求。
与其想尽办法都无能令到别人开心，不如做啲嘢会令自己过得更好。
就如位细佬开开心心咁玩下水都係不错嘅选择。

就算怕丑，以下嘅方法都可以嘎！
。
。
。
。
。
。
。
。
。
。
。
。
。
。
。
。
。
。
。
。

今日嘅心情令我想起李白嘅一首诗

＂弃我去者，昨日之日不可留。乱我心者，今日之日多烦忧＂

台湾之旅－最豪华的一餐

2010-09-21T20:35:00.012+08:00

经包车司机介绍去到间海鲜饭店。当进入时就有少许＂上车＂感觉，见大堂内坐满游客，先记起位司机大佬帮我哋订咗五千台币嘅套餐。

不过当上第一味冷盘时，每位团友都係同一咀形－＂哇＂。

一个好有诚意嘅头盘

有甜虾，日本螺，鱼生，鲍鱼片，多春鱼。。。

鱼生真係一绝，非常咁甜。我都冇加 wasabi，斋食原味。

连装饰都好用心

每位团友食咗先知原来係鱼子酱。我就唔识欣赏啦！

好特别嘅鱼，上呢味鱼仲有位侍应姐姐教我哋点将条鱼起骨。

黑椒桑拿虾 - 好新鲜胡椒落得好，令带出虾嘅鲜味。

伊粉琵琶虾 - 冇食过嘅一种虾，不过味道都唔错。食咗觉得伊粉先係主角。

唔知乜骨 - 有啲团友话係鸡肉，其他就话係猪肉。睇咗菜单先知原来係猪肉。

清蒸鲟龙鱼 - 冇食过，鱼味冇咁浓。豆腐反而更好味。

甜品都非常好味，红豆中係牛奶所形成。

＂菠萝仔＂

2010-08-28T11:15:00.000+08:00

最近经朋友去到 Puchong －＂菠萝仔＂。
当去到时啱啱有两款菠萝包出炉，传统嘅菠萝油，同叉烧菠萝包。
经老板介绍，原来叉烧都係自己一手包办。
面包松化，不过啲菠萝就冇香港咁好。不过都值得一试。

无知Sales

2010-08-07T01:19:00.000+08:00

我姐吵咗好耐要买番架小形相机，全因唔识用我架单镜。睇咗市面上比较有名嘅厂家几款相机之後，我对两部有兴趣。
今日同位同事去到索尼睇架 HX5。当研究紧部相机时有位Sales哥哥行过嚟想推销部机。
我对位Sales第一印像－冇乜想捞兼态度劲差！

Sales : 对呢部机有兴趣吖？

我：（搞错！冇兴趣就唔会睇啦）係吖。

Sales ：咁你知呢部机有乜功能吗？

我：可以影相咯！

Sales ：哽係唔只影相啦！

同事：呢部机有GPS功能，如果室内GPS接收唔到部机会点咧？

Sales ：喔！部机唔係用GPS嘎，係用卫星。（有冇搞错，哥哥你知唔知自己讲紧乜。）

同事：GPS同卫星有分别咩？乜都好啦，如果收唔到（信号）会点？

Sales : 哽係冇问题啦！冇理由室内收唔到吗！卫星所有地方都收到啦！

同事：（哈哈！条哥哥真吹得！可能佢去到所有地方都冇瓦遮头!）好似 Garmin 咁，室内一样收唔到啦！

Sales : 喔！呢部相机唔同，当你影完相之後，部机会Upload张相去卫星啫！（哇！Upload上卫星做乜？）

讲到呢度，我就叫我同事离开。同咁嘅人讲嘢真係对牛弹琴。

P/S：如果大家未明相机GPS要嚟做乜，等我解释下。
GPS会令到张相有地方嘅坐标（Geotagging)，有啲软件可以利用嘅坐标显示出张相嘅拍摄地点，甚至地址或接近有名嘅标记。而唔係好似位Sales哥哥所讲咁。

我爱广东话，不要＂煲冬瓜＂??

2010-08-04T00:28:00.000+08:00

连日来广州发起＂撑粤语＂行动。部份市民都表现得过分紧张，一个方言係经历咗多少历史，地理环境变迁而形成。咪话取消，就算要广东人讲少啲都冇可能。就连小弟都比较喜欢用粤语嚟写嘢啦！

广东话有好多特别之处，亦有好多字眼其他语言係冇办法表达。
譬如：一身蚁，麻甩佬，阿灿，食皇家饭等等。

礼拜日嘅香港小姐决赛，曾志伟问位港姐，＂有边句广东话最有代表性？＂。佢竟然话＂我爱你＂。

迟来嘅卡。。。

2010-08-02T22:57:00.000+08:00

一年前去到澳洲珀斯出席一个响大学认识到朋友嘅婚礼。
因为国籍，文化有所不同，呢个婚礼对我嚟讲係好新鲜兼大开眼界。
首先，夏天大热天时因为场合需要每位男士都礼貌上穿上老西。据天气预测当日有四十度左右。咁嘅天气加多件老西，信我，係非常之难受。兴幸好快嘅仪式就完成咗。
晚宴亦係另一个新见识，同一般西式餐厅一样有前菜，主菜同甜品。特别嘅係前，主菜係由各位来宾自选。
令我觉得最特别係当晚宴结束前，每位来宾围成一圈向对新人送上祝福，以对新人亦向每位来宾道谢。比起华人一般晚宴，西式婚礼令每位来宾都有一齐参与嘅感觉。

一年後嘅今日，收到佢哋寄嚟嘅道谢卡。虽然迟咗一年，不过我感受到佢哋嘅喜悦同感激。

黑白相一张

2010-07-28T22:17:00.001+08:00

翻查相簿先记得有张咁嘅相。
冇错呢位就係＂婉君＂表妹。

礼貌

2010-07-15T22:12:00.000+08:00

有间油站令我印像好深刻，每次踏入间油站便利店，每位工作人员都有礼貌咁向我讲句＂Good Morning Sir!＂
当我离开时，佢哋又会向我讲＂Thank You Sir, Please come again!＂
虽然佢哋係外劳，不过比起本地人有过之而无不及。

启航

2010-06-30T08:39:00.008+08:00

船长一声令下，每位水手就各就各位为今次航海探险之旅启航。
虽然大海冇情，不过船上每位都战战兢兢准备暴风雨所带嚟嘅巨浪。
一次又一次嘅巨浪都一一被化解，因为每位船员都知道只有＂信任＂同＂面对＂先会令佢哋将障碍化解。
亦因为佢哋相信当暴风雨过後，晴天会係更美丽。

P/S：。。。。。。

某人

2010-06-30T03:30:00.000+08:00

今晚某人唔知点解瞓唔着。
因为自我？
因为自信？
某人係冇心嘎。。。。。路人甲
对不起，

Shell 用客福音

2010-06-17T12:24:00.000+08:00

前几日去到油站发觉 RON97 变为红色。当我迟疑紧时，有个服务员行过嚟对我推销 VPower 新油。原来 Shell 经已用 VPower 代替 RON97，仲用原来价钱添。

布城遗憾

2010-06-12T15:16:00.008+08:00

上个星期去到布城赶唔到睇日落。可能冇乜缘份。

再游适耕庄

2010-06-09T23:09:00.000+08:00

经过一年之後适耕庄依然。。。。。。咁多米。
我啲朋友更开玩笑话要食几耐先会食晒。
今次约埋一班朋友食海鲜，游田同吹海风。

真係有默契同好识摆鋪士

唔係佢跳唔够高，而係啲稻米太高

游完稻田，食过海鲜嚟到生果摊。不过啲芒果冇乜吸引，啲水翁就甜而多汁，冇得顶吖。

陌生人

2010-06-08T12:37:00.002+08:00

当心情低落时，最好嘅方法係搵人诉苦。
当冇助时，得到安慰係最好不过。
当我想明白你嘅用意时，回心一谂，可能咁嘅安排会更好。

非陌生人上

好期待。。。。。

2010-06-03T22:19:00.002+08:00

上次饭局有位朋友带咗架＂老母＂嚟玩。我哋呢班人对啲玩具相机都冇乜认识，不过每个人到争部相机嚟玩。影咗之後又冇得立刻睇到，对我哋呢班＂现代＂人嚟讲真係唔惯。

有个朋友仲搞笑咁话，呢部相机有问题，每张相都会影到镜头。真係好笑啦，人哋部相机有嘅係＂Range Finder＂唔係我哋所习惯嘅＂View Finder＂。所以每张影到嘅相当未晒出嚟係唔会知道嘅效果。之所以係咁，每次影相都係猜猜吓。

呢种感觉非常特别同期待，不过如果等太耐係会令到我哋好惨嘎！
Sa姐你几时先会去晒相啫！！！！！

一个冇得弹嘅午餐

2010-06-01T00:19:00.000+08:00

上个星期经朋友介绍三五成群咁去到＂道＂Tao Authentic Asian Cuisine 日本餐厅开饭。入到去发觉嘅装修同摆设都做到另人好舒服。

同一般嘅日式自助餐有啲唔同係所有餐饮都係要事前点选。为咗令顾客有啲似曾相识嘅感觉，一般嘅烧烤，铁板烧，鱼生都好似普通自助餐咁陈列晒任君选择。

炒蚌－味道嘛嘛，不过蒜蓉就落得好！带出蚌所留底嘅少许鲜味。冇咗蒜蓉啲蚌更本冇味。

海鲜什炒－有三文鱼，虾同带子。呢碟什炒就好新鲜啦，尤其係带子。

烧烤－酱汁味道唔错，肉都好嫩滑。

当我哋食到兴起时，有个服务员嚟到问有兴趣试餐厅首选十大食品。我朋友谂都冇谂就叫晒十种。

我心中嘅十大排名

第十－椒盐濑尿虾
因为要戒口，所以冇食到。不过所有食过嘅人都係同一个答案－唔知点解会係十大，冇乜特别。

第九－蜜糖三文鱼
口感唔错，不过好似煮过头。太干啦。

第八－日式铁板牛肉
我唔食牛肉，所以冇意见。

第七－日式小丸子
主题唔得出，唔知食粒丸定係啲菜。

第六－煎炸嘢
唔知包咗啲乜，食落有少少乳酪味。唔错。

第五－天妇罗
都係冇食，不过啲评语唔错。

第四－牛油三文鱼
乳酪牛油焗三文鱼係唔会失败，我朋友甚至话要一个人食晒。

第三－焗带子
卖相一流，味道都好。不过我觉得酱汁可以少啲，加番少少乳酪会更好。

第二－鲍鱼片
真係唔知用咗乜腌料令到咁入味，不过可惜係每人得两片。

第一－烧羊扒
经典！经煎过嘅羊扒都能够保持肉汁，肉嫩兼入味。咀嚼时味道好有层次，每一口都有惊喜。

有句说话想＿＿＿。。。。。

2010-05-28T15:18:00.000+08:00

真係唔＿＿点开＿！

可能呢几日太大压力，寻晚又做到天光。。。

所以有少少语无论次！

你所打嘅电话未能接通。。。。

2010-05-26T22:39:00.000+08:00

今日受到前所未有嘅羞辱，点解啲人可以咁双面。呢头话冇问题，背後就去插你。之後当众落你面仲不得止，仲要写番封电邮嚟插我。客人永远是对的？我呸！有道理就係。

当心情最坏时，打咗个电话俾你。不过电话响咗一阵就飞入留言，可能个Timing唔啱。点解冇打俾第二个？可能我谂你会明白我多啲。

Lomo - ＂老母＂Feel

2010-05-26T00:13:00.003+08:00

当我忙紧影相，发觉身边有啲日本人都有两部相机。第一部係一般嘅数码相机，不过另一部就吸引到我。部相机外观睇嚟係全塑胶同五颜六色，认真睇原来係部＂老母＂－ Lomo。

我不嬲都有留意 Lomo，觉得影出嚟啲相好特别。一部咁嘅相机都好大众化，不过啲底片就贵咗啲。都曾经考虑过整番部嚟玩，不过要买啲过期底片都几难。唯有靠後期少少＂加工＂。出嚟嘅 feel 都唔错。

鬼佬真係大晒？

2010-05-19T23:48:00.000+08:00

为咗影到日落，五点晏晝爬上咗睇日落最靓嘅地方。爬到顶先知道经已有好多人等紧。

我就一於冇理，喇喇声搵番个靓位。当搵到个靓位时就坐低休息吓，冇变啦睇日落嘅地方都几高，都要行一阵同爬上间庙。当接近六点太阳落山时间，好多游客都 set 咗三脚架。我朋友见唔对路叫我咪执输快啲 set 番个三脚架。万事俱备不过个咸蛋黄好似被啲云遮咗，不过应该唔係大问题。

精彩故事就啱啱开始，有对外国情侣竟然嚟到我前面有限几尺位企咗道。最搞笑係仲企喺道唔郁。
你估鬼佬真係大晒咩！都未係最经典，我见都有少少位，唯有移开个相机。但係个女人冇影相就行开一二边啦，企咗道阻晒啲景。

不过当日好多云睇唔道日落，我都唔同啲鬼佬一般见识。影咗几张之後就係时间返归啦。话时话，落山时天都几黑咗。

暹粒＂美食＂

2010-05-17T23:04:00.004+08:00

暹粒食过最特别嘅＂美食＂

Amok鱼
Amok係本地独有嘅香料。煮出嚟味道好特别，係我食过香料之中冇嘅香味同天然嘅甜味，配埋新鲜嘅鱼，Amok更能够带出鱼嘅鲜甜味。

柬埔寨烧烤
柬埔寨有两种烧烤，第一种係比较普通嘅烧烤，不过用嘅香料同酱汁就好入味。鸡腿肉嫩滑兼入味。排骨更係一绝，非常香口。最重要係有一种独有嘅香味。

第二种都几特别，类似韩国烧烤不过肉类就好特别。

都几细心，所有肉都有个细表签。
冇错，有蛇同鳄鱼肉。我就唔识欣赏啦。

盗墓者

2010-05-13T00:03:00.000+08:00

去咗 Ta Phrom 睇吓盗墓者嘅拍摄实境。
经司机大哥解识，啲树都有七百几年咯。啲树可以留到现在係因为比其他树较为柔软，如果係比较结实嘅树就经已被风所吹倒咗。

大自然嘅威力令到间庙有呢啲树所保护，而啲树亦都係因为有间庙所以能够生存。有一点一定要同大家分享，当建完间庙後，啲树係唔存在嘅。啲树係经由鸟类在密食期间在不意识情况之下触到树嘅种子。而呢啲种子再由鸟类经过间庙停下时所留低。

睇吓有几咁多人排对影棵树。我见啲游客都係对棵树有兴趣啫，所以都係自由行好啲，冇时间限制。

Banteay Srei

2010-05-10T23:14:00.000+08:00

建於十世纪，比吴哥窟嘅历史更早。
一入到呢间庙就被间庙嘅雕刻所吸引。呢间庙嘅雕刻係我所见到最仔细。
睇完间庙我朋友对我讲咗一句－＂呢间庙係高清HD，其他庙係SD标清＂。听完之後觉得好贴切。
讲真一句，我真係被间庙感动。古人为间庙嘅附出，雕刻甚至由深山开采嘅沙石。以十世纪嘅文明，究经係点样办到咧？
兴幸间庙已经续步修复紧，希望可以保留俾後代。

我最锺意嘅一幅雕刻

有少少手震添，冇变啦烈日当空有三十九度。

吴哥窟日出

2010-05-09T23:03:00.001+08:00

为咗睇到闻名已久嘅吴哥窟日出，晨咁早就起咗身去到吴哥窟嘅小湖前霸番个靓位。当去到时，见到陆陆续续都有游客入紧去。当我去到时，已经有班游客响嘅小湖前等紧嘅咸蛋黄。我就喇喇声攞出个三脚架同搵番个靓位等日出。

第一张去错咗地方。5.00am

终於去到小湖前，不过发觉太多莲花可能会冇到影。真係不能够唔赞啲本地人，佢地经然谂到卖早餐包张凳可以坐响道慢慢睇日出。5.20am

当个咸蛋黄走出嚟时影低咗几张相之後就行开个小湖，因为我实在无法忍受啲乌蝇响个脚道。所有人响小湖前都係同一动作，就係不停咁原地踏步。因为实在太多乌蝇。6.00am 睇吓我前面几咁多人。

个太阳出咗嚟啦！！！！ 6.30am
话时话，已经好耐冇咁早起身啦。

柬埔寨－暹粒之旅

2010-05-08T14:20:00.001+08:00

呢个假期最常听到而我觉得几搞笑。

第三位
＂Sirrrrr, you one som Cot Ding＂
第一次听到真係唔知佢噏乜。之後先听到原来係卖冻饮。

第二位
＂Sirrrrr, you one somsing＂
去到游客购物区最常听到就係呢句。经过几日之後我得到咗结论，当地人对＂T＂音係有语言障碍。

第一位
＂One dollar, one dollar.........＂
无论去到边，都有一大班细佬向我要钱。呢句发音就非常之准确啦！

值得一提係所有细佬都好似上过啲什么艺人训练班，当问你要钱时个个都表情十足，真係有啲心软。不过当第一日就俾咗廿蚊美金，你都咪话唔心痛。过後几日就当冇睇到，唔知咁算唔算绝？

佢离开我。。。

2010-05-02T21:58:00.000+08:00

＂佢＂在我心中係无人能替代。
＂佢＂雪白嘅肤色令我每次摸到都心跳加速。
＂佢＂滑不留手嘅皮肤令我好有遐想。

如今＂佢＂离我而去，我只能够叹惜。。。。。。。。

哎瘋－希望＂你＂能够安息啦！！！

无错，我嘅 iPhone 被人偷咗吖！！！！！！！！！！！！

惊喜

2010-05-01T12:36:00.001+08:00

寻晚返到屋企收到封信，係澳门寄嚟。拆开睇，我竟然中咗三奖。

话说正月，我去到澳门旅行入住咗维景酒店。当退房时，职员要我填咗个表格话係抽奖。我不嬲都冇乜抽奖运，谂都冇谂就填咗个表格。估唔到几个月之後嘅今日话我中左奖添！真係世事难料。。。。

月亮，心情

2010-04-28T22:37:00.000+08:00

今晚嘅月亮好圆，好光。
係十五嘅问题定係某啲原因？
係电话另一边嘅原因定係今日我睇嘢嘅心情唔同。
希望每日嘅心情都会係咁。

係时候买番个三脚架啦，影唔到月亮嘅魅力

笑容

2010-04-25T20:25:00.001+08:00

小朋友嘅笑容係最真诚。佢哋嘅世界都通过想像转为多资多彩。所以我哋所为大人眼中平平无奇，佢哋都可以玩番一轮。不过当长大之後，想像会被残酷嘅现实代替。
谂吓，我都有段时间冇真真正正咁笑过。

你今日笑过未吖？

I-City 睇灯去

2010-04-19T21:47:00.004+08:00

靓咩？
我唔钟意啲 artificial 嘢！

当我提起上个星期去到 I-City 睇吓点解咁多人去睇灯就听到呢两个都几较笑嘅答案。

虽然听闻会好多人同都几靓。不过都係要亲身经历过先可以俾意见。入停车场都要好长嘅时间，当去到灯饰集中地正知道好多人同真係好靓。

值得一提嘅係，一定要带水去。唔知係咪天气问题，行咗一阵就好热兼渴。

普通嘅 LED 就可以令到漆黑嘅夜晚变得非常之咁迷人。

鬼佬嘅错

2010-04-15T20:01:00.000+08:00

咁咁得到个好消息，一个棘手嘅问题终於搞惦咗！都係啲鬼佬嘅错，得你识做咩！係都话我嘅问题，叫你试又唔钟意。一个普通嘅问题搞咗我哋三个几月，你话抵唔抵死！

听日去到客仔道插多佢两嘢先！问你死未！

怨。。。

2010-04-13T23:32:00.000+08:00

怨而不去了解嘅原因对我嚟讲係低层次。
怨之前应该去明白吓点解会得到咁嘅遭遇。
真係唔明啲人只係想得到心中所想而唔去努力。机会只会俾有准备嘅人咁浅嘅道理都唔明。

甜，酸，苦，辣，咸

2010-04-11T22:29:00.002+08:00

曾经去过间餐厅好细心咁为食客准备咗啲调味料。睇番啲调味料有甜，酸，辣同咸。

人生都好似呢几樽嘢，每个人都会经过甜，酸，苦，辣，咸。

最近係我人生嘅低潮，尝尽酸同苦。

因为你，我感觉道无尽嘅心酸。
因为你，我感觉好心痛。
因为你，我不知所措。
因为你，我。。。。。。。。。。。

四月又到啦！！！！

2010-04-08T19:33:00.000+08:00

每年嚟到四月都好头痛。因为又係时候要报税。每年立嘅税都唔明政府用咗去边。我哋呢班中产阶级正係最为辛苦。旧年已经冇加人工，今年又係未知之数，真係唔明点解有啲国家例如香港，新加坡都用尽办法嚟避勉流失人才。加薪，花红都有点解我哋会係例外。业绩我哋係全亚州最好，其他国家会有得加薪而当我哋业绩咁好时就话全球经济放缓所以冇得加！今年我哋又再次得到好业绩，班鬼佬又多多理由。

武大郎为咗养妻活儿到甘於每日去卖烧饼。

佢嘅故事令我谂起我哋呢班中产阶级嘅辛酸。班鬼佬就係潘金莲，唔明武大郎嘅辛苦仲要去勾三搭四。以为执到金，後来先发然原来係粒桔。

汶莱之行－＂落闸放狗＂

2010-04-05T20:59:00.000+08:00

上个星期四＂无拉拉＂被人卸膊逼到我要飞一转汶莱。礼拜就要飞过去。
去到机场以为真係好彩，因为冇迟到（咁啱係大马站 F1）。当上机之後等咗一阵，发然有好多人出入驾驶仓。几分钟之後机长就公布架机出然咗小问题，我哋必需要换机。搞咗一轮之後以为可以起飞，点知机长又公布话因为 F1 有战斗机表演所以机场一带都封锁晒，任何机都唔可以起飞。结果前後班机延迟咗两个几钟。

以为最坏都係过去，今日一个普通嘅会议竟变为我受靶嘅战场。真係一言难尽，得到嘅教训係不能够相信汶莱工作拍挡。一堆嘅问题要我哋用几粒钟时间做完。我聽日班机係三点唔知佢哋会放人冇。。。。。

向前看

2010-04-01T14:37:00.003+08:00

人总要向前望，虽然有时问题唔係出之自己。
记得有句嘢都几经典－＂宽恕係需要好大嘅勇气＂。

唔係几熟嘅朋友，望记佢同向前看，咁会令到世界更加美丽。

喜怒哀乐

2010-04-01T00:16:00.001+08:00

喜，怒，哀，乐，惊，恐，悲在中国历来称做七情。相信每个人都离不开七情六欲。

有几张相争扎咗可耐都係决定同大家分享，因为觉得对＂七情＂都非常贴彻。

喜
喜可以令气血流通、肌肉放松，易于恢复身体疲劳。

笑到咁，仲唔係＂喜＂？

点解要打＂马塞克＂咧，因为另一边会係七情嘅代表之一。
。
。
。
。
。
。
。
。
。
。
。
。
。
。
惊/恐？
惊定係恐就不得以知，不过真係唔明点解位小姐咁开心。

多谢位男主角咁配合我正得到呢个效果。

经过呢次经验之後，我终於相信女性嘅忍耐力係比较好。好彩搾相机係我，因为我嘅样会更加惊吓。

大家哽係想知道点解佢哋会有咁嘅表情。话俾你哋知啦，因为我哋去咗浸温泉。都有四十度左右，都嘅热。

忍耐力特强嘅嚟例子。。。
不过唔係带帽嗰位

好奇心

2010-03-27T15:52:00.001+08:00

好奇心係人嘅天性

我绝对同意呢点，当有个人讲D又唔讲D时，真係会令到我嘅求知慾升温。

经过我嘅＂海盗论＂之後，都有D朋友对条＂美人鱼＂有兴趣。问我究竟係点样。既然大家都对＂佢＂咁有兴趣，我就唯有舍命陪君子啦！

。
。
。
。
。
。
。
。
。
。
。
咪眨眼！！！
。
。
。
。
。
。
。
。
。
。
。
。
。
。

登！登！登！登！！！！！！！

靓冇？哈哈！

P/S : 不过如果过份热心有时就真係会令到人作呕。所以求知慾唔係唔好，不过就要适可而止。

情。。。。

2010-03-24T21:09:00.001+08:00

人生在世都离不开个情字。亲情，友情同爱情。

亲情
父母，兄弟姊妹甚至表兄妹，都响我心里占有一个非常之重要嘅地位。如果我能力范围可以帮到都一定用心去做。
曾经读过一篇散文

至亲嘅人给了你生命，至亲嘅人陪你走过了童年，至亲嘅人从你一出生就係你嘅依靠。至亲嘅人，最温暖嘅怀抱，係你给的。

啱啱有个朋友喜获麟儿。佢嘅眼神，心情同责任都表露出父亲嘅爱护。令我谂起呢篇散文。

友情
我对友情睇得好重，因为我相信多一个朋友好过多个敌人。正所为出外靠朋友咧嘛。虽然每当我面对到D问提时，佢哋未必帮到，不过起嘛到可以做一个聆听者。
如果调转，我到会係一个几好嘅聆听者。虽然我份人都几钟意讲嘢，不过我会分乜可以讲同乜唔适合分享。
有个朋友值得一提，佢＂我为人人＂嘅性格都令到身边朋友对佢非常之尊重。

爱情
我只可以话我就好似一个海盗，正在寻找藏宝图内嘅宝藏。非一时一刻可以搵到，曾经发现一个岛可能係藏宝嘅所在地，岛上竟然见到位美人鱼，同佢相处咗一段时间感觉都几好。不过得到嘅答案唔係心中所想。
寻寻觅觅，希望早日可以搵到/感动到妳啦。
当D亲戚朋友问到＂几时结婚吖？＂，唔知我嘅海盗论佢哋会明冇。不过我就一於冇理，因为遇到咁嘅问提我嘅反应得两种

第一：海盗论
第二：四川国粹－变面

变面始终都唔係嘅好，所以由今日开始海盗论将会係我嘅唯一答案。

今日讲咗同放咗太多屁，希望又冇闷亲大家啦！

新电视

2010-03-21T21:03:00.001+08:00

经过几日冇电视嘅日子，终於去买咗架液晶电视。虽然係架普通嘅电视，唔似其他嘅四十嘅寸甚至五十寸咁好，不过华丽台都未有高清，唯有咁嚟安慰自己咯。

睇咗几日发觉唔知点解D声总係怪怪地，原来个喇叭装咗电视後面。真唔明白嘅原因係乜。

值得一提嘅係当我响 SS2 Legend 打紧价时受到冇礼对待。我只不过想了解吓架五十寸电视所为嘅＂One Piece＂係乜嘢，个 Sales哥哥竟然问我係咪真係要买嘅。$#@!乜嘢态度！当我话要去打价时，有个朋友叫我小心D，因为佢都有过不愉快嘅经历。佢地可能会溶咗我，咁就冇咁犀利。真係唔明间铺头点解可以生存，唔通呢个世界真係有人被人寸？

P/S: 点解近派咁多人嘅电视坏咗，连我＂阿妈＂嘅电视都係早我一日坏埋！

婉君表妹？？

2010-03-18T10:37:00.000+08:00

我嘅表妹，君就君啦，不过就唔係婉君。一时兴起捉个表妹嚟影相。

蝴蝶篇（二）

2010-03-16T22:06:00.000+08:00

正在采密中！

呢几张相喺当我想试吓嘅 50mm F1.8 嘅效果时，忽然有个蝶飞埋嚟。觉得都唔错，不过focus就太soft啦。不过只蝴蝶都喐得嘅快。

大马佳能面书 - Canon Camera (Malaysia) Facebook

2010-03-15T11:27:00.000+08:00

我不嬲都喺＂佳能＂Canon 嘅忠实粉丝，当知道＂大马佳能面书＂有咁嘅机会－ Showcase your Great Works with Canon Malaysia!
心里就想试吓。抱着试吓嘅心态就 send 出咗几张相。都个嘅礼拜咯，仲未有消息。我睇都喺冇希望啦。

人往往都喺咁嘅时候得到少少处光。今朝收到封 Email:
------------------------------------------------------------------------------------

Hi,

Thank you very much for your participation in the Canon FB Fanpage Profile Picture campaign.

Congratulation ! Your photo has been shortlisted to be showcase on Canon fanpage and this photo will be featured on 19/03/10.

Kindly notify all your friends to join Canon's fanpage and support you. Invite them to click "Like" on your photo.

You may also invite them to participate by submitting a photo and stand a chance to be featured.

We look forward for your participation again !!

Thank you

On behalf of,
Canon Malaysia

------------------------------------------------------------------------------------

真喺好开心终於拣咗我张相。大家记得星期五，三月十九号 Click 入呢个网址。

蝴蝶篇（一）

2010-03-14T12:01:00.000+08:00

寻日心血来朝去到蝴蝶公院。真喺非常之咁游客，连D的士哥哥都当我喺外国人。
不过真喺被D蝴蝶玩残，当想影吓佢哋时就飞走咗。但喺当冇心影时，佢就停响度。被佢激死。

早知就带D密糖去啦，佢哋一定飞埋嚟。

一个星期嘅。。。

2010-03-12T22:44:00.000+08:00

呢个星期发生咗D愉快，唔认同，新体会同个＂废柴＂令我更加觉得佢冇用。

愉快篇
秋天旅行团又多咗两个团友。由一个普通自游行演变成羽毛球会年终旅行团。值得高兴喺每个人都好期待。其中一晚我哋会留肚因为要扫晒夜市所有嘅小食。好彩有个食物焚化炉一齐，＂大佬＂难为你啦！
秋风，落叶最重要喺美食我哋嚟啦！！！

唔认同
工作上有D问题有个同事总喺要我嘅 Project Team 做D无关重要兼锁碎嘅事。只要喺客户要求，我哋都要一一办到。钱就佢部门攞最多，乜嘢世界嚟嘅！

新体会

正因为＂唔认同＂，我得咗新体会。最近睇咗篇文章－＂窗外＂令我凡事到要从唔同角度去睇。我都有尝试从我同事立场去睇番件事，喺唔喺乜客户要求都要满足咧？抚心自问，我可能都会咁做，不过我会令客户明白到我哋嘅附出兼意识到D工作并非在我哋嘅工作范围。

废柴
有个刚离职嘅同事留底咗D苏州屎俾班同事分。我哋都觉得奇怪，点解咁普通嘅工作可以＂磨＂咁耐。未离职时都已经搞到神憎鬼厌，临走都向其他部门唱喺我哋班同事搞到佢离开！冇错，我哋有线眼。因为其他部门都对你不满吖！反省吓啦！
不过希望你去到新环境会有所改变同前途似锦，真喺衷心祝福你。

讲咗好多废话添，希望冇闷亲大家。

打广告。。。？？

2010-03-09T23:48:00.000+08:00

上个星期又决定咗秋天去旅行。话时话，五月嚟紧嘅行程都未落实就 plan 紧另一个旅程？？有个朋友问我喺咪发咗达。
我都想喺。之不过呢牌工作上有D唔愉快想放松吓自己啫！得闲或有烦脑时谂吓嘅行程心情就会好D。

不过都喺亚航嘅错！偏偏我最想去旅行时推出好诱人嘅配套。（平机票都喺错？乜世界吖！）

P/S: 好似帮亚航打广告添！！

不过秋天嘅旅行就一班猪朋狗友一齐去，应该会开心D。压力就开始嚟勒，因为个个都指意晒我，话我最有自游行经验。我只不过比较钟意旅行同出国比较密啫。好彩有D团友都会俾意见，咁我先冇咁烦。

最後写番首唔多似嘅诗嚟发泄吓我近来嘅心情。献丑，献丑。。。。。

烦心情，
烦什麽，
烦工作，
旅行去，
旅行好，
好什麽，
好见识，
见识好，
学问好，
你话好唔好！

新嘢！

2010-03-08T21:53:00.000+08:00

唔知大家发觉到最近个 Blog 多咗D嘢？冇错，上个星期当等紧客仔试新装嘅系统时，无聊就注册咗＂推特＂－ Twitter。

推特真喺专为我呢种懒人以设。短短百四个字就可以俾大家分享到我嘅心情。如果想睇我嘅tweet嘅朋友可以click入呢个网址。twitter.com/wingchurn

思索。。。

2010-03-05T23:02:00.000+08:00

人生有D阶段总要思考，有时冇答案，有时做错决定。不过唔应该放弃，前方有条光明嘅出路正在等紧我哋。

人生有嘅多个十年咧吗！！！！！！！

等一等

2010-03-03T21:57:00.000+08:00

想要买哎瘋嘅朋友要等一等，因为我最欣赏嘅电讯网络将会推出哎瘋，希望推出之後明讯网络会提供更加好嘅配套。
话时话，每嗰月俾百五蚊都嘅贵。希望多咗嗰网络就令到嘅市场建康D。
真喺唔明点解明讯永远都喺後知後觉，当感受到少少威胁时正推出好D嘅配套。

无忧无虑

2010-02-27T19:37:00.000+08:00

细佬仔永远喺最快乐。想起呢嘅日非人生活咁完成咗手上工作之後真喺要休息吓。睇到张相之後感受到细时无忧无虑嘅生活。点解我哋要为生活以奔波咧？

肉丝蛋卷

2010-02-25T18:50:00.000+08:00

每逢过年都会有好多不同嘅饼干任君选则。蛋卷不喽都喺我嘅首选。今年有嗰比够特别嘅蛋卷－肉丝蛋卷。

薄薄嘅蛋皮加上肉丝。蛋香，肉丝松软可以称为一绝。我影底咗嘅制造过程。

1。首先哽喺烘蛋浆，一定要薄。

2。将D肉丝放上蛋卷後再加热，咁之会令D肉丝有少少脆口。

3。制成品－肉丝蛋卷。香，肉丝更香脆。

当影哽D相时，有嗰游客攞起嗰蛋卷扮食要我影底，我就一於华之你。

忘不了

2010-02-21T19:26:00.001+08:00

上次收工酒食过嘅条鱼－忘不了。点解叫忘不了咧？因为食过之後唔会忘记条鱼嘅味道。

不过对我嚟讲就真喺忘记咗！上次介绍大头虾时就应该提吓，不过我竟然忘记咗。今日无聊睇吓近来影咗D乜先记得。

有D人话条鱼食过之後［忘不了］喺因为嘅价钱，我哋食呢条就承惠五白五！真喺要好好咁品尝。可能对条鱼期望过高，食时冇乜惊喜，同普通河鱼冇乜分别。有嗰朋友甚至食到泥味。查过之後先发然可能我哋食咗条人工养殖鱼，真正嘅忘不了口感喺好弹牙同最重要喺冇泥味。之前都应该觉得奇，点解同一条鱼＂龙溪＂要叫价八百，差唔多要贵一倍。

大家哽喺非常之好奇点解条鱼会连鳞一齐蒸。跟椐＂蔡澜＂解释，连鳞蒸喺要保持原汁原味。（又喺蔡澜？无错，我喺好敬佩佢嘎！）
当上桌之後，服务员会起鳞，我哋就慢慢享用。十五分钟之後D鳞就原碟再上，不过就炸过。好彩味道都唔错。

求神

2010-02-19T16:29:00.000+08:00

唔知今年经济会好D冇，当年三十晚去到寺庙拜神时，无论男女老少都好诚心咁期求虎年行大运。我甚至见到D鬼佬有埋元宝蜡烛香，有D就唔明白我哋做紧乜。
我就一如己往期求身体建康，事业顺利。

今年去到天后宫冇带相机，为有用我架哎瘋。影出嚟嘅效果到唔错，够阳光就得一定靓。

茶道

2010-02-17T02:39:00.000+08:00

新年期间相信每嗰人都会约埋三五知己钦茶。曾经睇过一篇报道［茶道］对日本人影响好大。直至现在都有人去学呢门学文。
茶对我嚟讲喺要饮得消遥，烦覆嘅步骤只会令人失去耐性。不过［茶道］都喺要训练人嘅耐性。我喺咪好自相矛盾咧。。。。。

大头虾

2010-02-14T02:02:00.000+08:00

几日前嘅收工酒终於食到闻名已久嘅大头虾。当未上碟虾，侍应姐姐为我哋准备刀同叉。食虾啫，点解要刀叉咧！真喺唔明。但喺当碟虾嚟到时，就明白到刀叉喺必需品。

只虾真喺非常之大，肉汁喺甜到冇法用文字嚟形容。口感喺我食过所有虾最回味嘅一次。呢一次真喺令到我对大头虾有唔同嘅睇法，如果有机会我一定会再试。

送礼

2010-02-12T17:07:00.000+08:00

话咁快就到新年啦！拜年一定要送礼，每年都要买年货时都唔知买乜好。几日前睇到呢一则广告，觉得好搞笑。

百姓街

2010-02-09T23:43:00.000+08:00

上次去到百姓街先知道＂梁＂姓排名第二十。有位小姐好详细咁解释嗰姓氏。本来想买番把＂梁＂姓扇，把扇有哂姓氏嘅来源。不过就贵咗D。

原来喺咁嘅

2010-02-07T12:50:00.000+08:00

当嗰摄影师要我哋摆呢嗰甫士时，揽脚嘅两位兄弟真喺好唔愿意。不过最後都喺影咗。

最近被我睇到一幅古罗马雕刻，终於明白喺抄idea嘅。

P/S: 冇错，对脚喺我嘅。

唔明

2010-02-04T21:44:00.000+08:00

点解嗰男人要向女人淋水？不过嗰女人接水嘅姿态更加令我费解。

我觉得如果换上嗰靓女画面会好D！

大家嚟投下票换咗之後会好D冇。

倒影

2010-02-02T19:34:00.000+08:00

难得海面咁平静，倒影都好特出。

服务太度

2010-01-31T19:03:00.000+08:00

香港某间茶餐厅

当我坐底後
伙记：＂炒蛋定煎蛋吖？＂
我：＂炒蛋啦！＂
伙记：＂通粉定意粉吖？＂
我：＂意粉啦！＂

伙记：＂咁你咧，一样啦，好冇？＂－问紧我朋友
朋友：＂有乜食吖？＂
伙记：＂炒蛋定煎蛋吖？＂－好劳气咁问
朋友：＂炒蛋啦！＂
伙记：＂通粉定意粉吖？＂
朋友：＂意粉啦！＂
伙记：＂又咪一样！＂

搞到我朋友鬼死咁尴尬。几分钟之後D餐就送到。
真喺唔明白点解伙记D态度咁差，喺咪唔忧做？不过嗰炒蛋同多士就真喺非常正！

海立方

2010-01-29T22:49:00.000+08:00

当坐紧的士时睇到一则广告。澳门新地标－海立方，嗰名咁熟嘅。喔！北京水立方。真喺唔知海立方会喺间乜，净喺话喺间娱乐场。去到先知原来喺间赌场。原来澳门所有赌场都喺叫娱乐场所！

美食篇 - 香港站

2010-01-28T19:50:00.002+08:00

香港站

去到香港哽喺要食正中嘅香港点心啦。正如星爷话－饮嗰茶食嗰包。

不过香港人饮茶就真喺叫一盅两件啫，最搞笑喺佢哋会点番碟油菜，咁就坐番够本叹下报纸同茶。
我就一於冇理，叫咗几款点心。

虾饺王

嗰饺皮比一般我所食过更加有口感，当用筷子夹起时，馅喺唔会甩出嚟。虾非常新鲜，每粒虾饺足足有两只虾咁多。

烧卖王

真喺唔知点解乜都要加嗰王字，烧卖都要变成烧卖王。味道同我食过嘅烧卖差唔多，不过肉汁会比较多同香。我睇都喺腌料唔同。

XO酱萝卜糕

萝卜糕加XO酱？？掂冇，哽喺掂啦！萝卜糕绵得嚟有口感，XO酱更加带出萝卜糕嘅香味。

肠粉

呢嗰就比较失望，肠粉皮厚又冇味。酱油更加差，喺好咸，冇豆香。

食完早餐，行咗一阵，又喺时候食午餐啦。我朋友拣咗烧鹅，提起烧鹅哽喺要试吓深井烧鹅啦！

深井烧鹅

鹅肉嫩滑就不再讲，皮脆兼冇油。连鹅胸咁干嘅部位都依然咁滑同入味。不过半只就承惠港币百二蚊。

大三巴牌坊

2010-01-27T17:47:00.000+08:00

等咗好耐终於搵到嗰角度喺冇乜人。真喺唔明白点解啲游客猛咁影相完全唔听导游嘅解说。好似我呢啲自由行人就即客行埋去听故仔咗。
当我去到大三巴牌坊，真喺连插针到插唔入。终於证实中国喺有十二亿人，啲内地人拥入嚟澳门同香港。
应该等入夜先去，我谂会少人啲。嗰景都会靓啲。

美食篇 - 澳门站

2010-01-26T00:23:00.002+08:00

澳门站

澳门有乜好食咧？

哽有！

澳门猪扒包
位於氹仔嘅大利来记猪扒包就一定要试！

我嗰人认为大利来记猪扒包好食之处喺嗰包，猪扒都喺唔错，不过肉汁可以多少少。经典嘅喺嗰包，每日三点出炉限卖三百嗰。嗰包有一种冇法形容嘅香味，口感一流同有种普通面包冇嘅甜香味。听讲喺因为用嚟烘面包嘅柴所发出嘅香味。

话喺三点出炉，不过未到时间就好多人坐响道等紧。

有嗰靓女望紧添！

当等紧猪扒包出炉，唯有叫咖哩鱼蛋食。鱼蛋冇乜特别，不过咖哩喺有啲道理，辣得嚟到好入味。几粒之後，条脷就麻晒。

下一站，澳门有名嘅竹星面。去到连蔡澜，韬韬梁文韬，台湾饮食节目都话好嘅＂六记＂。记住佢哋喺开夜市，傍晚六点半开市。

虾子捞面。何为虾子？就喺虾嘅卵子。
竹星面嘅形装同普通云吞面有少少唔同，面喺扁但喺口感就非常好，比起我哋所为嘅全蛋面有过之而冇不及。捞埋虾子就冇得顶！

炸云吞。非一般嘅云吞皮同摺法。嗰皮冇摺埋一粒，反而大大块咁去炸。食落先知嗰皮喺好香，脆同带点甜味。好似薩骑馬，不过比安順薩骑馬更香同脆。云吞一定要配六记特别嘅酱，会令到嘅云吞皮更加好味。四十五蚊，都嘅贵！

水蟹粥。

都喺连蔡澜，韬韬梁文韬都话好嘅＂皇冠小馆＂水蟹粥。佢哋都介绍就一定有道理，试过之後果然喺劲正！粥香滑鲜甜，葱落得好，带出蟹嘅鲜甜味。到主角－蟹，真喺唔明白点解嘅蟹可以咁甜，口感同一般食嘅炒，蒸，烚蟹有少许唔同。食落口非常饱满，鲜甜。不过半份就承惠一百廿五蚊。

＂山寨＂

2010-01-25T11:54:00.000+08:00

今次＂搵食团＂识咗嗰新名词。

何为＂山寨＂？
山寨嘅意思喺假嘢，例如：

A 君：哇！你嗰新电话好靓仔喎，喺苹果机吖？
B 君：靓咧，喺山寨版苹果机。只不过喺百嘅蚊啫。不过功能就冇真苹果机咁多。
A 君：等我都整番架先！

去咗遍？？？

2010-01-24T01:40:00.000+08:00

呢嘅日我去咗遍？

俾啲贴士大家。睇下啲相先！

有雪喎！

冇啦，只不过喺云海嚟啫。

睇就好靓，不过当架飞机入紧云时就鬼咁朗！

今次我又组积咗嗰＂搵食旅行团＂。食咗好多美食，迟啲同大家分享。

失望嘅 Broga Hill

2010-01-17T13:37:00.000+08:00

寻日再次去到 Broga Hill, 不过今次就几失望。
第一点，人太多。上山时都还好。但喺到落山时就撞正上紧山嘅人，搞到非常劳气。
到落咗山去攞车食早餐时，竟然有人嚟收钱！话喺私人地方。
第二点，太过商业化。山脚竟然有卖汽水同零食。都喺＂面书＂惹嘅祸，搞到咁多人要一睹风彩。
经过今次之後，我睇唔会再去啦！

祥和

2010-01-12T22:00:00.000+08:00

每次睇呢张相都令我感觉到好安宁。
眼神，笑容一切一切都有祥和嘅感觉。
就算遇到乜嘢问题都唔应该放弃！放底所有烦恼，睇一睇，世界会更美丽。

罗漫晚餐??

2010-01-10T12:52:00.001+08:00

寻晚约埋三五知己去Manjarala食火锅。落雨天食火锅，一嗰字，正！
不过当食到一半忽然冇电嚟，点算。。。。好彩我哋中国二千嘅年文化，学问大派用场，就喺－蜡烛。不过都唔喺冇缺点嘅，就喺好热！罗漫，感觉唔到。
喇喇临倒晒啲伊面落肚，卖埋单去咗 Babylon Cafe 饮茶。环境同菜单都唔错，一定会再去。

万事俱备

2010-01-09T12:16:00.000+08:00

经过连日嚟嘅准备，我下一嗰行程已经有啦！
－签证
－酒店
－景点
－美食地点
－全球定位系统；都准备埋！
希望会有一嗰难忘嘅旅程。

可怜天下男人

2010-01-08T00:08:00.001+08:00

我喺一嗰甚少去shopping嘅人，如果有朋友要shopping嘅话，我都乐意奉陪！
好多朋友都话＂陪太子读书＂喺非常之咁闷。不过我就觉得会喺一嗰唔同嘅乐趣。但喺如果不停咁行咗一日嘅感觉我喺好了解。每当接近傍晚响商场睇见啲男女朋友行紧街，通常嗰男人都喺非常之咁攰。
最近嘅旅行我就深深咁体会到。当不停咁行咗几日之後会喺乜样咧？
。
。
。
。
。
。
。
。
。
。
。
。
。
。
。
。
。

就喺咁嘅样！

冇咸蛋黄嘅日落！

2010-01-06T22:13:00.001+08:00

咸蛋黄，你走咗去边？

二零一零

2010-01-04T23:12:00.001+08:00

今年第一日返工就被老板叫咗去做啲好琐碎嘅嘢，不过就要去到好远。
当返到公司收到通知话十五号要搬。唔经唔觉份工都做咗五年嘅，睇吓嗰枱就晕咗一阵，有好多嘢要执添！不过最重要都喺拣番嗰风水位先。睇吓嗰新办公室平面图果然比较大。
希望搬咗办公室之後公司会越做越好，咁年尾花红就会多啲！

曼谷寺庙－第三篇

2010-01-03T18:10:00.000+08:00

嚟到行程最後一日，我哋去咗睡佛庙。
睡佛庙香火亦都喺非常之鼎胜，唯一唔同喺，只可以在庙外上香。庙外有嗰庭院俾善信上香同恭奉咗尊金身佛陀。上完香，我有幸为佛陀贴上金薄。
当入到庙内，我立刻被尊睡佛所吸引。唔知点解，我不嬲都唔会影底神像，不过我觉得佛像嘅笑容非常之祥和同庄严，忍唔到手影咗几张相留念。

Super Upgrade Deal

2010-01-02T17:37:00.000+08:00

Streamyx近年尾推出咗Super Upgrade Deal。头四嗰月免费升级！
当我未去曼谷之前，上网Upgrade咗。不过唔知点解，个modem可能太旧唔用得。唯有去买番嗰新modem啦。
装上新modem之後，试吓嘅下载速度，果然冇失望真喺快咗好多。

曼谷－文族舞，咖啡？？

2010-01-02T01:33:00.001+08:00

上次讲过曼谷之旅＂老虎老鼠，傻傻分不清楚＂，不过每朝早我哋一班人都会去到火车站咖啡室嘅＂咖啡小姐＂就喺嗰百分百女人。我就唔喺咖啡爱好者啦，不过团友都话唔错。

冲紧咖啡时候非常之咁Pro

去到曼谷紧喺要拜吓至出名四面佛啦！四面佛香火真喺非常之鼎胜，我哋都入乡随俗添香油同上香。
当拜完之後就影底咗几张帮善信跳文族舞还神嘅小姐。

曼谷寺庙－第二篇

2010-01-01T12:58:00.001+08:00

黎明寺
黎明寺（Wat Arun）又称为破晓寺或郑王庙，高75米。
黎明寺在郑王驱逐缅军之後，带领部队经过寺前正好喺黎明时分，郑王命令部队将船停於寺前，上岸礼拜。後来郑王登上帝位後，就下令重修佛寺，並根据当年情况将寺名改为黎明寺。

曼谷寺庙－第一篇

2009-12-31T18:23:00.003+08:00

众所周知泰国喺嗰佛教国，寺庙不下七千多间。要数至宏伟就一定喺大皇宫－玉佛寺（Grand Palace）。

玉佛寺
一所建在皇宫里作为国王举行宗教仪式嘅佛寺。

当入到玉佛寺，我就立刻被寺庙嘅宏伟所感动。所有建筑物都需要好长，好多嘅人同物力。虽然入场费喺曼谷之首，不过我觉得喺值得嘅。

玉佛寺大雄宝殿墙边嘅雕刻

玉佛寺内有嗰大平台，大平台上有一座圆形金塔－ 乐达纳舍利塔。塔内又有一座供奉佛陀舍利嘅小塔

其他大皇宫里嘅建筑

麦当劳

2009-12-30T23:59:00.000+08:00

去到曼谷除咗食地道嘅泰国菜，紧喺要试吓麦当劳嘅猪柳包啦。
曼谷麦当劳叔叔有一特别之处，就喺双手合十。

曼谷圣诞

2009-12-28T14:18:00.000+08:00

去咗曼谷大型商场感受吓的圣诞气氛。
首先要买番张火车票就通行冇阻啦！

曼谷大型商场真喺布置得唔错，只不过冇圣诞到数啫。

曼谷之行

2009-12-28T02:26:00.000+08:00

曼谷有嘅嗰笑料不得不同大家分享。
当降落咗曼谷国际机场，发觉非常之咁大。各位团友不停影相。

第一回－晴天霹歷
去到的士站，团长就问吓有冇比较大嘅的士，因为我哋有六嗰人。有嗰的士大哥话唔喺问题。问咗价之後，尚算合理二话不说我哋就去到架的士。
当睇到架的士，我就知道真喺＂上咗车＂，架的士喺冇可能坐六嗰人兼放埋行李。不过钱都俾咗，为有＂上车＂啦！有嗰团友甚至全程坐上佢男友嘅脚。

第二回－圣诞惊喜
平安夜响嗰大型商场有四嗰啤酒品牌各自摊位同舞台，拣咗间之後就坐底，吹水，饮酒等到数。
当就到凌晨十二点，我哋准备到数嘅时候，所有摊位舞台都同一时间停晒！问咗嗰哥哥点解冇到数得到嘅答案喺。。。。。。。冇到数！！！
乜话！冇到数！谂吓又喺，泰国始中都喺嗰佛教国，我哋只不过拣错地方。

第三回－＂老虎老鼠，傻傻分不清楚＂－蔡依林歌
无论去到遍，都有很多靓女。不过唔可以妄下判断，因为当佢哋开声就知道喺龙与凤。